Words of Prabeen not just pressed, but that touch and impress!

Posts tagged ‘bhii’

Hello



My Original all round composition (including the lyrics of course). Hindii+English. Preview. As is. ::
Mann mein umanng hai,
Dil mein tarang hai,
Tumse yah boley
Hello, Hello, Hello!
Tum bhii kuchh bolo.
Yah jo hai hastii,
Thodii sii mastii;

Wow! That’s so Romantic!

~ Prabeen Kumar Pati

Advertisements

Tuney to meraa (din hai churaayaa)



My Original all round composition. As is. Preview/draft. Hindii.
::
Tuney to meraa
Din hai churaayaa,
Aur raaten bhii;
Tuney to meraa
Dil hai churaayaa,
Dhadkanen saath bhii;
(tuney jo dil yah churaayaa,
Aur dhadkan bhii…)
Tuney to mere
Sapne churaaye,
(aur) Saath niinden bhii,
Aankhon se niinden bhii…

~ Prabeen Kumar Pati

Kisii se kam nahiin!


Hum kisii se kam nahiin,
Kam hue to bhii gham nahiin!

Yah kisne (pahle) kaahaa sure nahiin,
Is baat kaa bhii hum ko gham nahiin;
Kissii ne bhii ho kaahaa,
Woh kisii se kam nahiin!

(Waise humaare dimaag mein tthankaa,
Humne sochaa post karde yahiin)

~ Prabeen Kumar Pati

Pahle to Sikho!


Aakaash ko chhune se pahle
Dhartii pe khade honaa sikho;
Uunche Aakaash mein udne se pahle
Dhartii pe chalnaa to sikho;
Siitaaron ko chhune se pahle
Unkii Roshnii ko sametnaa sikho,
Khuud chamaknaa to sikho,
Saare jaahaan ko roshan karnaa sikho;
Kisii ko dukh de ne se pahle,
Thodii sii khuushii to baantnaa sikho;
Badaa hone yaa banne se pahle
Badappan to thodaa sikho;
Bhadaas nikaalne se pahle
Krodh ko paalnaa to sikho;
Chhinne se pahle
Paanaa to sikho;
Miitaane se pahle
Banaanaa to sikho;
Todne yaa bigaadne se pahle
Jodnaa to sikho;
Haq maangne se pahle
Haqdaar bannaa to sikho;
Shiksaa dene se pahle
Shiksit honaa to sikho;
Kisii pe nazar daalne se pahle
Sahii nazar rakhnaa to sikho;
Sahii saaviit karne se pahle
Sahii karnaa to sikho;
Insaaniyat jhaadne se pahle
Achchhaa insaan bannaa to sikho;
Achchhaa chahne se pahle
Achchhaaii karnaa to sikho;
Buuraaii o Shikaayat karne se pahle
Khuud ko kathghare pe rakhnaa sikho;
Nahfrat karne se pahle
Pyaar karnaa to sikho;
Ruuthne se pahle
Manaanaa to sikho;
Karwaane se pahle
Karnaa to sikho;
Paanii barvaad karne se pahle
Reigistaan kii pyaas buujhaanaa sikho;
Khaanaa phenkne se pahle
Bhuuk mitaanaa to sikho;
Patthar maarne se pahle
Kaanch ke ghar mein rahnaa sikho;
Zindagii ujaadne se pahle
Zindagii banaanaa o aavaad karnaa to sikho;
Chaadar phaadne se pahle
Chaddar odhnaa to sikho;
Sachchaaii se muhn modne se pahle
Sachch kaa saamnaa karnaa sikho;
Suurat jaesii bhii ho
Aaine mein dekhnaa sikho.

~ Prabeen Kumar Pati

Chitra Vbichitra Charitra… Jiivban Chalat Chitra


Chitra nahiin Vbichchitra hai,
Kaisaa ae Charitra hai?!
Boley aaj Shatru hain,
Kal tak jo Mitra the.
Chitra nahiin Vbichchitra hai,
Kaisaa ae Charitra hai?!
Din mein Suurya Prakaash hai,
Ujwal hote Divbas hai,
Lagtaa Niilaa Aakaash hai,
Saanj Raatra kaa Aavbhaas hai,
Lagey Kaalaa wohii Aakash hai!
Yah kaisaa Drishya hai,
Bhram huaa Avbashya hai,
Yah to ab ek Rahasya hai,
Suljhaanaa isko bhii Lakshya hai;
Bas ek Sankat hai,
Duniaa mein jo Chhal o Kapat hai,
Sab Maayaa hai,
Yaa Usiikii hii Chhaayaa hai;
Kyaa Mithyaa hai,
Kyaa Satya hai;
Prashnon mein miley Uttar hain!
Ujwal teraa Bhavbisya hai,
Phirr bhii yah to Rahasya hai,
Lakshya to milnaa Avbashya hai,
Jiivban Chalat Chitra hai!

~ Prabeen Kumar Pati

Aajaa…O Mere Munne Raajaa!


Aajaa! O Mere Raajaa!
Aajaa! O Mere Munne Raajaa!
Paas Mere Aajaa!
Tere binaa meraa
toh wajuud nahin,
Tu jo nahin toh meraa
kuchh bhii nahin.
Tu jo nahin toh
Maein bhii nahin.
Nanhe Munne Raajaa mere,
Nathkhath Pyaare Raajaa mere,
Tu toh Sarr kaa Taaj hai mere,
Tu toh hai sab kuchh mere…
Tu jo nahin toh meraa
kuchh bhii nahin.
Tu jo nahin toh
Maein bhii nahin.
Aajaa! O Mere Raajaa!
Aajaa! O Mere Munne Raajaa!
Paas Mere Aajaa!
Khil khillaataa teraa bachpan,
Mere khuushiyon kaa darpan,
Tere liye maein toh karduun
Sab kuchh arpan!
Aajaa! O Mere Raajaa!
Aajaa! O Mere Munne Raajaa!
Paas Mere Aajaa!
Tu jo nahin toh meraa
kuchh bhii nahin.
Tu jo nahin toh
Maein bhii nahin.

~ Prabeen Kumar Pati

Pyaar kaa Matlab…


Pyaar kaa matlab
Ke hotaa hai?
Naam’se iskaa
Ke hotaa hai?
Maein naa jaanu,
Tu naa jaane re!
Parr yah toh hai
Maein toh maanu,
Tu bhii maane,
Jag saaraa
yah toh jaane’re!

~ Prabeen Kumar Pati

%d bloggers like this: