Words of Prabeen not just pressed, but that touch and impress!

Posts tagged ‘roshnii’

Taare(n)


My Original all round composition. Hindii. Preview/Draft. A soft n short one.
::
Roshnii…
Dikhey hain
ien andheron mein
do tim timaate;
Yah to lagey
Taare, Chamakte Taare
Gardish mein…

~ Prabeen Kumar Pati

Advertisements

Pahle to Sikho!


Aakaash ko chhune se pahle
Dhartii pe khade honaa sikho;
Uunche Aakaash mein udne se pahle
Dhartii pe chalnaa to sikho;
Siitaaron ko chhune se pahle
Unkii Roshnii ko sametnaa sikho,
Khuud chamaknaa to sikho,
Saare jaahaan ko roshan karnaa sikho;
Kisii ko dukh de ne se pahle,
Thodii sii khuushii to baantnaa sikho;
Badaa hone yaa banne se pahle
Badappan to thodaa sikho;
Bhadaas nikaalne se pahle
Krodh ko paalnaa to sikho;
Chhinne se pahle
Paanaa to sikho;
Miitaane se pahle
Banaanaa to sikho;
Todne yaa bigaadne se pahle
Jodnaa to sikho;
Haq maangne se pahle
Haqdaar bannaa to sikho;
Shiksaa dene se pahle
Shiksit honaa to sikho;
Kisii pe nazar daalne se pahle
Sahii nazar rakhnaa to sikho;
Sahii saaviit karne se pahle
Sahii karnaa to sikho;
Insaaniyat jhaadne se pahle
Achchhaa insaan bannaa to sikho;
Achchhaa chahne se pahle
Achchhaaii karnaa to sikho;
Buuraaii o Shikaayat karne se pahle
Khuud ko kathghare pe rakhnaa sikho;
Nahfrat karne se pahle
Pyaar karnaa to sikho;
Ruuthne se pahle
Manaanaa to sikho;
Karwaane se pahle
Karnaa to sikho;
Paanii barvaad karne se pahle
Reigistaan kii pyaas buujhaanaa sikho;
Khaanaa phenkne se pahle
Bhuuk mitaanaa to sikho;
Patthar maarne se pahle
Kaanch ke ghar mein rahnaa sikho;
Zindagii ujaadne se pahle
Zindagii banaanaa o aavaad karnaa to sikho;
Chaadar phaadne se pahle
Chaddar odhnaa to sikho;
Sachchaaii se muhn modne se pahle
Sachch kaa saamnaa karnaa sikho;
Suurat jaesii bhii ho
Aaine mein dekhnaa sikho.

~ Prabeen Kumar Pati

O Merii Pyaarii Raanii!


O Raanii, Merii Raanii!
O Raanii, Pyaarii Raanii!
O Nathkhat Raanii,
Tu badii Siyaanii!
Tu toh hai bholi bhaali,
Tu hai maasuum kitnii,
Tu hai Jaan humarii nanhii!
Terii hasi’se
Ghar yah saje,
Tu jo gumshum,
Phul o kaliyaan muurchhayen,
Chaaron taraf bas
Maayusii hai chhaye.
Tu hai humaare
Jiivan kii Roshnii,
Tu toh hai
Humarii Zindagaanii.
Maein jaanuunaa
Koi hai kyaa Parii,
Par tumse Suundar
Puure jaahaan mein nahin.
O Merii Chhoti Raanii!
Raaj karegii,
Tu kartii rahegii,
Banegii tu toh
Aagey MahaaRaanii!
Tu jaahaan hai
Hogii khushiyaalii,
Tu jaahaan pe
Bas hariyaalii hariyaalii.
O Merii Pyaarii Chhoti Raanii!
Jo tu chaahe,
Woh sab miley;
Tu jo chaahe,
Terii duniaa saari!
O Merii Pyaarii Raanii!

~ Prabeen Kumar Pati

%d bloggers like this: